Bakı, 10 sentyabr, Sporaz.tv
UEFA Millətlər A Liqasının 2-ci qrupunda İsrail – İtaliya matçının əvvəlində, italiyalı azarkeşlər üz çevirərək İsrail himninə etiraz ediblər.
Sporaz.tv məlumat verir ki, İtaliya mətbuatında yer alan xəbərə görə, Macarıstanın paytaxtı Budapeştdəki Bozşik stadionunda oynanan və İsrailin ev sahibi olduğu matçın əvvəlində təhlükəsizlik riski səbəbindən maraqlı etiraz aksiyası keçirilib.
Matç başlamazdan əvvəl təşkil edilən mərasimdə İsrail himni səsləndirilərkən qonaq komandanın tamaşaçılarının aparıldığı tribunalarda olan 50 nəfərlik italiyalı azarkeşlər, üzlərini meydana çevirərək İsrailə etiraz ediblər. İtaliyalı fanatların, İsrail himninə qarşı bu etirazı sosial mediada ən çox müzakirə edilən mövzulardan biri olub.
İsrailin Qəzzaya hücumlarına reaksiya verən bəzi istifadəçilər, italyan azarkeşlərin bu münasibətini “hörmətli və tarixi” adlandırıblar. Bəzi istifadəçilər arxa çevirənlərin fanatik fanatlar arasında “faşist qruplar” olduğunu iddia edirdilər.
Başlanğıcda etirazla keçən qarşılaşmada, qonaq İtaliya, rəqibinə 2:1 hesabı ilə qalib gələrək 3 xalı qazanıb. İtaliya ilə İsrail arasında növbəti oyunun oktyabrın 14-də İtaliyanın Udine şəhərində keçirilməsi planlaşdırılır. Daha əvvəl mətbuatda Udine bələdiyyəsinin bu matça ev sahibliyi etmək istəmədiyi bildirilirdi. 2023-cü ilin oktyabr ayından İtaliyada İsrailin Qəzzaya və Fələstinlilərə hücumlarına etiraz edən nümayişlər tez-tez keçirilir.
