Bakı,20 may,Sporaz.tv
Son həftələrdə Real Madriddə göstərdiyi performansla adından söz etdirən gənc oyunçu Arda Gülər Villarreal ilə 4-4 bərabərə qaldıqları matçda 2 qol vurub. “Real Madrid”in baş məşqçisi Carlo Ancelotti Arda haqda xoş sözlər deyib.
Sporaz.tv məlumat verir ki,oyunçu Arda Gülər İspaniyada hər zaman manşetlərdə olur. “Real Madrid”in səfərdə “Villarreal”la 4-4 bərabərə qaldığı matçda milli futbolçu 2 qolla ulduz olub. 19 yaşlı futbolçu ilk olaraq 14-cü dəqiqədə komandasını 1:0 hesabıyla önə çıxarıb.
Uğurlu futbolçu daha sonra 45 plus 2-də hesabı 4-1 etdi. Belə ki, Arda bənövşəyi-ağ formada ilk dəfə bir matçda 2 qol vurub.İkinci hissədə Villarrealın vurduğu qollarla 4-4 bərabərə bitən matçda Arda 90 dəqiqə meydanda qalıb.
Ancelottidən Ardaya təriflər:
Real Madridin baş məşqçisi Ancelotti matçdan sonra təşkil edilən mətbuat konfransında, “O, fərq yaradan bir oyunçu olduğunu bir daha göstərdi. Rəqibin qapısına yaxın olanda bacarığını çox daha asan nümayiş etdirir” dedi.Arda Gülər bu mövsüm bənövşəyi-ağlıların liqa matçlarında dəqiqədə ən çox qol vuran oyunçu olub. “Real Madrid” forması ilə 4 dəfə liqanın ilk 11-liyində çıxış edən milli futbolçu La Liqada 373 dəqiqə meydanda 6 qol vurub.
İspaniya mətbuatı Arda Gülərin “Vilyarreal”la oyununu yüksək qiymətləndirib. “O, fenomendir”
“Arda Gülər inanılmaz işlər görür. Türk futbolçu bura gəlməmişdən əvvəl 18 yaşında idi və yalnız Türkiyədə tanınırdı” deyib.
Qəzet onu da yazıb: “Bu gün Madrid istəsə, onu 80 milyon avroya sata bilər, amma bənövşəyi-ağlar onu icarəyə götürmək belə istəmir. Arda Gülərin dünya ulduzu olmaq keyfiyyəti var. Bu mövsüm 6 qol vurdu. O, bir fenomendir.”
Qəzet Villarreal matçını təhlil edərkən, “Mövqeyi heç vaxt əldən verməyən, cazibədar təsirli solaxay” şərhini yazıb.
