Bakı, 24 oktyabr, Sporaz.tv
İrfan Can Kahvecinin “Fenerbahçe“(Fənərbaxça) ilə müqaviləsi mövsümün sonunda başa çatacaq. Məsələ ilə bağlı türkiyəli futbolçunun meneceri danışıb.
Sporaz.tv məlumat verir ki, 2020-2021 mövsümündə “Fenerbahçe”-yə transfer olunan İrfan Can Kahvecinin müqaviləsi 2025-ci ilin iyununda başa çatacaq. Sarı-göylər hələ də türkiyəli futbolçu ilə müqavilə imzalamayıb. İrfan Can Kahveci “Fenerbahçe” ilə müqaviləsini yanvar ayına qədər uzatmasa, müqaviləsinin bitməsinə 6 ay qaldığı üçün digər klublarla transfer danışıqları apara biləcək.
İrfan Can Kahvecinin meneceri William D’Avila, İrfan Can Kahveci ilə bağlı “Radyospor”-a açıqlama verib.
Onun meneceri D’Avila, “Fenerbahçe”-nin hələ müqaviləni uzatmaq üçün iclas keçirmədiyini bildirib.
Açıqlamada: “Hazırda heç bir inkişaf yoxdur. Təbii ki, variantlarımız çoxdur. Hazırda “Fenerbahçe” ilə yeni müqaviləni müzakirə etməmişik. Hər zaman müzakirələrə açığıq”.- bildirilib.
İrfan Can Kahveci, “Fenerbahçe”-də 142 matçda forma geyinib. Türkiyəli futbolçu 30 qol vurub, 28 məhsuldar ötürmə edib. 29 yaşlı futbolçu, Türkiyə kubokunun qalibi olub.
