Bakı, 5 noyabr, Sporaz.tv
“Fenerbahçe“(Fənərbaxça), İrfan Can Kahvecinin yuxarı sol arxa əzələ vətər qovşağında qismən yırtığın təsbit edildiyini açıqlayıb. İrfan Can Kahvecinin də meydançaya dönəcəyi tarix açıqlanıb.
Sporaz.tv məlumat verir ki, “Fenerbahçe”-nin “Trabzonspor“-la oynadığı matçda zədələnən İrfan Can Kahvecinin səhhətinin vəziyyəti ilə bağlı sarı-göylü klubdan açıqlama verilib.
“Fenerbahçe”-nin rəsmi saytında verilən məlumat belədir:
“Peşəkar Futbol A Komandamızda, oyunçumuz İrfan Can Kahveci, “Trabzonspor” matçında yaşadığı zədə probleminə görə Maslak Acıbadem Xəstəxanasında MRT müayinəsindən keçib. Yuxarı sol arxa əzələ vətər birləşməsində qismən yırtıq aşkarlanıb. Oyunçumuzun müalicəsi başlanıb.”
İrfan Canın “AZ Alkmaar” və “Sivasspor”-la matçlarda meydana çıxa bilməyəcəyi, 13-cü həftənin 23 noyabr şənbə günü oynanılacaq “Kayserispor”-la matça vaxtında çatmağa çalışacaqları öyrənilib.
Bu arada “Fenerbahçe”-nin “Trabzonspor”-la matçında zədələnərək oyunu tərk edən Alexander Djikunun idarəetməsində problem aşkarlanmayıb.
