Bakı, 5 noyabr, Sporaz.tv
Premyer Liqada ilk qolunu “Brighton“(Brayton) forması ilə “Liverpool“(Liverpul)-a vuran Ferdi Kadıoğlu, İngiltərədə gündəm olub.
Sporaz.tv məlumat verir ki, Premyer Liqada ilk qolunu İngiltərə Premyer Liqasında “Liverpool”-a qarşı matçda “Brighton”-da vuran Ferdi Kadıoğlu, adından söz etdirməyi bacarıb. İngiltərə mətbuatında türkiyəli futbolçu ilə bağlı tərifli ifadələr işlədilib.
İngiltərənin nüfuzlu nəşrlərindən olan “The Athletic”-də Ferdi Kadıoğlunun istedadı və çox yönlü oyun şəxsiyyətindən bəhs edilib.
“Ferdi Kadıoğlu Milner üslubunda sürətlə “Brighton”-un yeni çox yönlü təhdidinə çevrilir” – başlıqlı yazıda aşağıdakı ifadələr yer alıb:
“Bu, Hollandiya əsilli türk oyunçunun ölkəsində və keçmiş klubu “Fenerbahçe”-də ən çox istifadə edildiyi mövqe olsa da, Kadıoğlu, Hürzeler tərəfindən sağ cinah müdafiəçisinə də təyin edilib. Ancaq sağ cinah oyunçusu kimi Kadıoğlu, Hürzelerin maraqlı seçimidir. Bu rol üçün bir çox imkanlar var, lakin onlardan ikisi alman məşqçi üçün hazırda mövcud deyil. Teorik olaraq, Kadıoğlu, “Brighton”-un 9 yay transferində cəmi 200 milyon funt-sterlinqə başa gələn yeganə müdafiəçi idi. 25 milyon funt sterlinqlik bu transfer o vaxtlar sol cinah müdafiəçisində Estupinana rəqib kimi görünürdü, lakin indi o, müdafiə ilə yanaşı hücumda da iştirak edə bildiyini göstərir.”
