Bakı, 10 oktyabr, Sporaz.tv
Son 2 mövsümdə çempionluq qazanan “Galatasaray“ın uğurunda əsas oyunçulardan olan Mauro İcardinin çıxışı son həftələr tənqid obyektinə çevrilib. Argentina mətbuatından təcrübəli hücumçunun gələcəyi ilə bağlı diqqətçəkən iddia gəlib.
Sporaz.tv xəbər verir ki, bu mövsüm göstərdiyi performansla tənqid hədəfinə çevrilən Mauro İcardi üçün diqqəti çəkən transfer iddiası ortaya atılıb.
Argentina mətbuatı “River Plate”in Mauro İcardinin arxasınca getdiyini iddia edib. “River Plate” rəsmilərinin hələlik konkret addım atmadığı bildirir.
İcardinin “River Plate”ə transferinə ən böyük maneə onun yüksək bazar dəyəri və maaşıdır. Mauro İcardi bu mövsüm “Galatasaray”ın heyətində 10 oyun keçirib. 31 yaşlı futbolçu bu matçlarda 3 qol vurub, 2 məhsuldar ötürmə edib.
Bahar Rüstəm
