Bakı, 13 noyabr, Sporaz.tv
Ferrari Lewis Hamiltonun komanda ilə ilk sınağının təfərrüatlarını açıqlayıb.
Sporaz.tv xəbər verir ki, Lewis Hamilton gələn ilin əvvəlində Ferrari üçün ilk Formula 1 sınağını 2022-ci il model avtomobillə edəcək.
Yeddiqat dünya çempionu Hamilton 2025-ci ildə “Maranello” komandasına qoşulacaq. “Mercedes”-də 12 mövsüm keçirdikdən sonra bu ilin əvvəlində komandadan ayrılmaq qərarına gəlib.
“Ferrari” ümid edirdi ki, “Mercedes” Formula 1 mövsümünün finalından sonra çərşənbə axşamı Əbu-Dabidə mövsümdən sonrakı təkər sınağı üçün britaniyalını buraxacaq və Hamiltonla tərəfdaşlığa erkən başlaya bilər.
Bununla belə, “Mercedes” Hamiltonu ilin sonu tanıtım fəaliyyətlərinə, o cümlədən Petronas üçün Abu Dabi testi günü baş tutacaq nümayiş yürüşünə daxil etdi. Buna görə də “Ferrari” Hamiltonu öz avtomobilində oturtmaq üçün 2025-ci ilə qədər gözləməli olacaq. Digər tərəfdən, Bəhreyndə keçirilən rəsmi sınaq istisna olmaqla, 2025-ci il avtomobilinin yeni mövsümdən əvvəl sınaqdan keçirilməsinə icazə verilmədiyi üçün “Ferrari” Hamiltonu əvvəlki model avtomobili ilə trasa çıxarmağı planlaşdırır.
Məhəmməd Qasımov
