Bakı, 20 noyabr, Sporaz.tv
İtaliya A Seriyasının komandalarından biri olan “Genoa” Patrick Vieiranın baş məşqçi təyin olunduğunu açıqlayıb. Vieira sonuncu dəfə Liqa 1-in “Strasburg” komandasını çalışdırıb.
Sporaz.tv xəbər verir ki, klubdan verilən açıqlamada Alberto Gilardino ilə yollarını ayıran Vieiranın mavi-qırmızılı komandanın yeni baş məşqçisi olduğu bildirilib.
Məşqçilik karyerasına 2013-cü ildə “Manchester City”nin gənclər komandasında başlayan 48 yaşlı fransalı məşqçi müvafiq olaraq “New York City”, “Nice”, “Crystal Palace” ve “Strasbourg”da çalışıb.
Futbolçu karyerasında klub və milli komanda səviyyəsində mühüm çempionluqlar qazanan Patrick Vieira hələ məşqçi kimi kubok qazana bilməyib.
“Genoa” bu mövsüm A Seriyasında 12 oyundan 10 xalla 17-ci yerdədir.
Bahar Rüstəm
