Bakı, 19 noyabr, Sporaz.tv
İtaliya A Seriyasının komandalarından biri olan “Genoa” Patrick Vieiranı baş məşqçi təyin edib. Rəsmi açıqlamanın tezliklə veriləcəyi gözlənilir.
Sporaz.tv xəbər verir ki, A Seriyasında aşağı liqada bir pillə yuxarı olan “Genoa”da məşqçi dəyişikliyi gündəmdədir.
Mövsümə “İnter”lə heç-heçə başlayan, daha sonra səfərdə “Monza”ya qalib gələn “Genoa” bu matçdan sonra uzun müddət qalib gələ bilməyib.
Pis nəticələrdən sonra bu ayın əvvəlində səfərdə “Parma”nı məğlub edərək qələbəsiz seriyasına son qoyan “Genoa” Alberto Gilardino ilə yollarını ayırmaq qərarına gəlib.
Sky Sports-da yayımlanan xəbərdə “Genoa”nın məşqçisini dəyişəcəyi, Gilardinonun yerinə isə Patrick Vieira gətiriləcəyi bildirilirdi.
İtaliya komandası hələ 2022/23 mövsümündə “Genoa”nı A Seriyasına daşıyan Alberto Gilardinonun gedişi ilə bağlı rəsmi açıqlama verməyib.
Məşqçilik karyerasına “Manchester City”nin infrastrukturunda başlayan Patrick Vieira Premyer Liqa komandasının aşağı yaş qruplarında çalışıb.
2016-cı ildə MLS-in “New York City” komandasına başçılıq edən Vieira daha sonra müvafiq olaraq “Nice”, “Crystal Palace” və “Strasbourg” çalışdırıb.
Patrik Vieira və Mario Balotelli əvvəllər “Manchester City”də birlikdə çıxış ediblər. Balotelli “Nice”da oynadığı müddətdə Vieira italyan futbolçunun məşqçisi olub. Müqavilənin rəsmi olması ilə Mario Balotelli və Patrick Vieira yenidən birlikdə çalışacaqlar.
Bahar Rüstəm
