Bakı, 4 oktyabr, Sporaz.tv
Adı “River Plate“-lə hallanan “Galatasaray“(Qalatasaray)-ın ulduzu Mauro İcardi üçün daha bir sürpriz komandanın meydana çıxdığı iddia edilib. Argentina mətbuatında çıxan xəbərlərdə, təcrübəli hücumçu üçün “Galatasaray”-ın tələb edəcəyi transfer haqqı ilə bağlı iddia irəli sürülüb.
Sporaz.tv məlumat verir ki, “Galatasaray”-ın ulduz hücumçusu Mauro İcardinin adı ölkəsi Argentinanın digər komandalarında hallanmağa davam edir.
Argentina mətbuatında çıxan son xəbərlərə görə, İcardi ilə “River Plate(River Pleyt)-dən başqa, Meksika komandalarından Rayados Monterrey də maraqlanırdı.
Xəbərdə, Mauro İcardinin “Galatasaray”-la 2026-cı ilə qədər müqaviləsi olduğu və təcrübəli hücumçu ilə maraqlanan komandaların xeyli məbləğ ödəməli olduğu bildirilib.
“Galatasaray”-ın İcardinin satışını təsdiqləmək üçün ən azı 15 milyon dollarlıq təklifə müsbət cavab verə biləcəyi bildirilir.
Mauro İcardi, “Galatasaray” karyerasında 86 matçda iştirak edib. 31 yaşlı futbolçu bu matçlarda 61 qol vurub, 22 məhsuldar ötürmə edib.
