Bakı, 18 noyabr, Sporaz.tv
“Galatasaray“(Qalatasaray)-ın ulduz futbolçusu Victor Osimhen, Avropanın nəhəng klublarının transferdə sevimlisinə çevrilib. Transferi “Napoli”-də olan Osimhen üçün “Manchester United”(Mançester Yunayted)-in pul+dəyişdirmə təklifi qəbul edilməyib.
Sporaz.tv məlumat verir ki, “Galatasaray”ın mövsümün əvvəlində “Napoli“-dən icarəyə götürdüyü Victor Osimhen üçün transfer söz-söhbətləri artmaqda davam edir.
Osimhen mövsümün sonuna qədər sarı-qırmızılı komandada qalacağını açıqlasa da, İngiltərə Premyer Liqasının nəhəngi “Manchester United“-in, nigeriyalı hücumçunu yanvar ayında heyətinə qatmaq cəhdlərini davam etdirdiyi iddia edilir.
İddia olunurdu ki, “qırmızı şeytanlar”, hollandiyalı mərkəz hücumçusu Joshua Zirkzeeyi mübadilə, eləcə də Osimhenin transfer haqqını əlində saxlayan İtaliya klubuna müəyyən məbləğdə pul təklif edib.
Serie A komandası bu təklifi yetərli hesab etməyib. Qeyd olunub ki, Osimheni satmaq üçün ticarət ideyasına həvəsli olmayan “Napoli” nağd pul istəyir.
“Galatasaray”-ın heyətində 9 matçda 8 qol və 4 məhsuldar ötürmə ilə çıxış edən Victor Osimhenin “Napoli” ilə 2026-cı ilə qədər müqaviləsi var.
