Bakı, 15 noyabr, Sporaz.tv
“Galatasaray“(Qalatasaray) milli matçlarla əlaqədar liqalardakı fasilə zamanı Nigeriya Milli Komandasına qoşulan ulduz futbolçusu Victor Osimhen üçün paylaşım edib.
Sporaz.tv məlumat verir ki, “Galatasaray”-ın nigeriyalı mərkəz hücumçusu Victor Osimhen ölkəsinin millisində qol vurmağa davam edir.
2025-ci il Afrika Millətlər Kubokunun seçmə mərhələsinin D qrupunun 5-ci oyununda Beninin qonağı olan Nigeriya, rəqibi ilə 1-1 bərabərə qalıb və Osimhen komandasına 1 xal gətirən qola imza atıb.
“Galatasaray”, Nigeriyanın qrupdakı yerini təmin edən matçda vurduğu qola görə futbolçusunu təbrik edib.
Sarı-qırmızılı klubun sosial media hesabından paylaşım belədir:
Nigeriyanın Beninlə 1-1 bərabərə qaldığı Afrika Millətlər Kubokunun seçmə mərhələsində, ölkəsinin yeganə qolunu vuran və qrupdakı yerini təmin edən Victor Osimheni təbrik edirik”.
