Bakı, 30 oktyabr, Sporaz.tv
“Galatasaray“(Qalatasaray)_ın ulduz müdafiəçisi Davinson Sanchezin “Real Madrid“-in radarında olduğu iddia edilib. Sarı-qırmızılılar, kolumbiyalı futbolçu üçün transfer qərarını verib. Davinson Sanchezi satmaq üçün “Galatasaray”-ın bir şərti var.
Sporaz.tv məlumat verir ki, “Galatasaray”-ın 28 yaşlı müdafiəçisi Davinson Sanchez yüksələn forması ilə Avropa nəhənglərinin radarında olub.
Adı son olaraq “Real Madrid”-lə hallanan kolumbiyalı müdafiəçi üçün “Galatasaray”-ın transfer qərarını verdiyi iddia edilib.
“Galatasaray”, astronomik təklif gəlməyincə Davinson Sanchezi satmayacaq.
“Sarı-qırmızılar”, Sanchezi 9,5 milyon avroya “Tottenham”-dan heyətinə qatıb.
“Galatasaray”-la 3+1 illik müqaviləsi olan Davinson Sanchez, illik 3,2 milyon avro alır.
Təcrübəli müdafiəçi, bu mövsüm “Galatasaray”-ın heyətində 10 matçda meydana çıxıb. Sanchez bu matçlarda 2 qol və 1 məhsuldar ötürmə edib.
