Bakı, 13 noyabr, Sporaz.tv
İtaliya A Seriyasının komandalarından olan “Roma”-da çıxış edən Nicola Zalewski yay transfer dövründə “Galatasaray“(Qalatasaray)-dan təklif aldığını bildirib. Zalewski, “Fenerbahçe”(Fənərbaxça) iddiası ilə bağlı sualı da cavablandırıb.
Sporaz.tv məlumat verir ki, Yay transfer dönəmində adı “Galatasaray”-la tez-tez hallanan, lakin karyerasını Romada davam etdirən Nicola Zalewskidən transfer etirafı gəlib.
Polşa mətbuatından Meczykiyə danışan Zalewski iddialara cavab verib.
Zalewski açıqlamasında: “Galatasaray”-dan təklif alanda mənim üçün çətin vəziyyət idi. İlk dəfə idi ki, belə vacib və xüsusi klubdan təklif alırdım. Qərar vermək mənim üçün çətin idi, amma hazırda bütün diqqətimi Romaya yönəltmişəm. Romada qaldığım üçün xoşbəxtəm”.- deyib.
Polşalı futbolçu sözlərinə davam edib: “Galatasaray”-a transfer prosesində Mourinho sizinlə görüşdümü? sualına: “Xeyr, mənim “Fenerbahçe“(Fənərbağça)-yə transferimdə söz mövzusu deyildi”.- o, cavab verib.
22 yaşlı futbolçu, bu mövsüm “Roma“-nın heyətində 10 matçda meydana çıxıb. 588 dəqiqə meydanda olan Zalewski, 1 məhsuldar ötürmə edib.
