Bakı, 15 oktyabr, Sporaz.tv
Sarı-qırmızılılarda Musleranın gedişindən sonra qapıya kimin transfer olunacağı maraq mövzusuna çevrilib.
Sporaz.tv xəbər verir ki, Fernando Muslera mövsümün sonunda Galatasaray (Qalatasaray)-dan ayrılacaq. “Sarı-qırmızılar”ın məşqçisi Okan Burukun “Ölkəsinə qayıtmaq istəyir” deyən uruqvaylı qapıçını əvəz etməyə güclü namizəd var.
Dünyaca məşhur bəzi futbolçuların Galaatsaray (Qalatasaray)-a transferində fəal rol oynayan menecer George Gardinin bu dəfə “Atletiko Madrid“in arxasınca düşdüyü, lakin heyətinə qata bilmədiyi Walter Benitezi siyahısına daxil etdiyi iddia edilib.
PSG yay transfer dönəmində “Atletiko Madrid”in transfer etmək istədiyiWalter Benitezə icazə verməyib.
Bu inkişafdan sonra Benitez ilə PSG arasında gərginlik yaşanıb və Argentinalı qolkiperlə müqavilə yenilənməsi danışıqları dayandırılıb.
Gardi mövsümün sonunda PSG ilə müqaviləsi bitəcək Benitez üçün hərəkətə keçəcək.
Ən ciddi talibləri Galaatsaray (Qalatasaray) və “Atletiko Madrid” olan 31 yaşlı qapıçının mövsümün sonunda aqibətinin necə olacağı maraq doğurur.
Walter Benitez bu mövsüm PSG Eyndhoven forması ilə 10 oyun keçirib.Argentinalı qapıçı bu matçlarda 10 qol buraxsa da, 3 matçda qapısını təmiz saxlayıb.
