Bakı, 12 noyabr, Sporaz.tv
“Chelsea“(Çelsi)-nin əfsanəvi adı Frank Lempardın, İngiltərə çempionatının aşağı pillələrində yer alan və yeni baş məşqçi axtarışında olan “Coventry City“-yə müraciət etdiyi məlum olub.
Sporaz.tv məlumat verir ki, Championshipdə mübarizə aparan “Coventry City”-də, 8 ilə yaxın komandanın başında olan Mark Robinslə yolları ayrıldıqdan sonra məşqçi axtarışlarına başlanılıb.
Sonuncu dəfə “Chelsea”-ni çalışdıran və 1,5 il işsiz qalan Frank Lempard, Robinsi əvəzləyə biləcəyi düşünülüb.
“Coventry City”-nin sahibi Doug King, bildirib ki, Lempard onlara rəhbərlik etmək üçün müraciət edib.
King, pərəstişkarları üçün xüsusi tədbir zamanı verdiyi açıqlamada deyib:
“Biz Frank da daxil olmaqla keyfiyyətli insanlardan çoxlu CV almışıq. Amma problem ondadır ki, biz bu proseslə bağlı hələ heç nə etməmişik. Milli matçlara görə fasilə verilən bu müddət ərzində hər şeyi dəyərləndirəcəyik, sonra özümüz siyahıya salıb və danışıqlara başlayacayıq”.
