Bakı, 28 oktyabr, Sporaz.tv
Trendyol Super Liqasının 10-cu həftəsində “Fenerbahçe” (Fənərbaxça) “Bodrumspor”la üz-üzə gəlib. En-Nesyri və Dzekonun qolları ilə “Fenerbahçe” (Fənərbaxça) 2:0 hesablı qələbə qazanıb.
Sporaz.tv xəbər verir ki, ötən həftə Trendyol Superliqasında “Samsunspor”dan heç-heçə ilə dönən “Fenerbahçe” (Fənərbaxça) “Bodrumspor”u qəbul edib.
Qarşılaşma “Fenerbahçe”nin (Fənərbaxça) 2:0 hesablı qələbəsi ilə başa çatıb. Qələbə qollarını hücumçular vurub. 15-ci dəqiqədə En-Nesyri baş zərbəsi ilə komandasını hesabda önə keçirib.
55-ci dəqiqədə Dzeko ayağının içindən vurduğu zərbə ilə fərqi ikiyə çatdırıb və hesabı müəyyənləşdirib.
Bu nəticə ilə xalını 20-yə çatdıran “Fenerbahçe” (Fənərbaxça) üçüncü pilləyə yüksəlib. “Bodrumspor” isə 10 xalla 13-cü pillədə qərarlaşıb.
