Bakı, 3 sentyabr, Sporaz.tv
“Fenerbahçe“(Fənərbaxça) Luan Peresin Braziliya komandalarından “Santos“-a transfer olunduğunu açıqlayıb.
Sporaz.tv məlumat verir ki,”Fenerbahçe ” Luan Pereslə yollarını ayırıb. Sarı-göylər klubun sosial media hesabından edilən paylaşımda braziliyalı futbolçunun transferi üçün “Santos”-la razılığa gəlindiyi bildirilib.
Transferlə bağlı açıqlamada: “Peşəkar Futbol A Komandası oyunçularımızdan olan Luan Peresin daimi transferi ilə bağlı Braziliyanın Santos klubu ilə razılıq əldə olunub. Futbolçuya gələcək karyerasında uğurlar arzulayırıq”.- ifadələri yer alıb.
2022/23 mövsümündə “Marsilya“(Marsel)-dan “Fenerbahçe”-yə transfer olunan Luan Peres sarı-göylülərin heyətində 23 matça çıxıb.
Peres bu matçlarda 1 qol və 1 məhsuldar ötürmə edib.
Braziliyalı futbolçu “Fenerbahçe” və “Marsilya”-dan başqa “Santos”, “Club Brugge”, “Ituano”, “Fluminense”, “Ponte Preta”, “Santa Cruz”, “Portuqaliya” və “Braqantino”da çıxış edib.
