Bakı, 4 oktyabr, Sporaz.tv
“Fenerbahçe“, Super Liqanın 8-ci həftəsini keçəcək. Jose Mourinhonun rəhbərlik etdiyi “Fenerbahçe”(Fənərbaxça) bu mövsüm 13 rəsmi matçda 8 qələbə, 3 heç-heçə və 2 məğlubiyyətlə ayrılıb.
Sporaz.tv məlumat verir ki, Jose Mourinhonun idarə etdiyi “Fenerbahçe”, liqada 2 matçda xal itirib. “Göztepe” ilə səfərdə 2:2 hesablı heç-heçə edən sarı-göylülər, öz meydanında əzəli rəqibi “Galatasaray“-a 3:1 hesabı ilə məğlub olub. O, liqada 7 oyunda 16 dəfə rəqib qapısına yol tapıb və 5 qol buraxıb.
UEFA Avropa Liqasının yeni formatlı liqa mərhələsində “Fenerbahçe”, 2 matçda topladığı 4 xalla 13-cü pillədə qərarlaşıb. Liqanın ilk oyununda evdə “Union Saint-Gilloise”-ı 2:1 hesabı ilə məğlub edən sarı-göylülər, səfərdə “Twente” ilə 1:1 bərabərə qalıb. Sarı-göylülər, 3-cü liqa matçında oktyabrın 24-ü, cümə axşamı evdə İngiltərə təmsilçisi “Manchester United”(Mançester Yunayted)-i qəbul edəcək.
