Bakı, 24 oktyabr, Sporaz.tv
“Fenerbahçe“(Fənərbaxça)-nin ötən yay transfer dövründə Türkiyəyə imza üçün gətirdiyi Alfredo Morelos, ölkəsi Kolumbiyada həbs edilib.
Sporaz.tv məlumat verir ki, Şotlandiyanın “Rangers” komandasındakı çıxışı ilə komandaları özünə cəlb edən, lakin karyerası kabusa çevrilən Alfredo Morelos ölkəsində həbs edilib.
Guardian-ın verdiyi xəbərə görə, kolumbiyalı hücumçu, sərxoş halda avtomobil idarə etdiyi üçün ölkəsində həbs edilib. Qəzaya sərxoş halda avtomobil idarə edən Morelos səbəb olub. Qəza zamanı aktyor Guillermo Davila Valderrama xəsarət alıb.
Alfredo Morelos bir müddət “Fenerbahçe”-nin gündəmində idi. Sarı-göylü komanda 28 yaşlı futbolçunu transfer etmək üçün 2023-cü ilin yayında Morelosu İstanbula gətirmişdi. Lakin transfer baş tutmayıb.
