Bakı, 7 sentyabr, Sporaz.tv
Fenerbahçe (Fənərbaxça), Omar Fayedin Belçika Liqası komandalarından “Beerschot“a icarəyə verildiyini açıqlayıb.
Sporaz.tv xəbər verir ki, Omar Fayed Fenerbahçe (Fənərbaxça)-dan icarə əsasında ayrılıb.
Sarı-göylü komandanın sosial media hesabından edilən paylaşımda gənc müdafiəçinin Belçika Liqası komandalarından olan “Beerschot”a icarəyə verildiyi bildirilib.
Açıqlamada, “Peşəkar Futbol A Komandamızın oyunçularından Omar Fayed Belçikanın Beerschot klubuna icarə əsasında transfer edildi. Oyunçumuza zədəsiz mövsüm arzulayırıq”. -deyilib.
Omar Fayed, futbolçu karyerasına ölkəsinin komandalarından olan “Mokawloon”un alt liqasında başlayıb.
2023/24 mövsümündə Fenerbahçe (Fənərbaxça)-ya transfer olan 21 yaşlı misirli müdafiəçi, ötən mövsümü icarə əsasında “Novi Pazar”da keçirib.
Gənc futbolçu, karyerası ərzində 50 matçda meydana çıxıb.