Bakı,27 may,Sporaz.tv
Superliqa mövsümünün başa çatması ilə Fenerbahçe (Fənərbaxça)-da gözlər yeni prezidentin müəyyənləşəcəyi konqresə çevrilib.
Sporaz.tv xəbər verir ki, idman klubları arasında ən çox konqres üzvü olan sarı-göylü komandanın prezident seçkilərində iştirakın geniş olacağı gözlənilir.
Sözügedən konqres mayın 30-31-də Ülker Stadionu, Fenerbahçe Şükrü Saracoğlu İdman Kompleksində baş tutacaq. İlk iclasda kvorum əldə edilməzsə, Baş Assambleya 8-9 iyun tarixlərində yenidən keçiriləcək. İkinci ümumi yığıncaqda səs çoxluğu tələbi olmayacaq.
1998-2018-ci illərdə Fenerbahçe (Fənərbağça)-nın prezidenti olmuş Əziz Yıldırım yenidən seçkilərdə namizəd olduğunu açıqlayıb.
2018-ci ildən Fenerbahçe İdman Klubunun prezidenti vəzifəsini icra edən Ali Koç da seçkilərdə namizədliyini irəli sürdüyünü bildirib.
Qeyd edək ki, seçkilər, Bakı vaxtı ilə saat 11:00-da başlayacaq.
