Bakı, 15 noyabr, Sporaz.tv
“Fenerbahçe“də performansı artan Youssef En-Nesyri “Sevilla“nın planlarını alt-üst etdi. Təcrübəli hücumçu sarı-göylü komandanın formasını Edin Dzekodan götürüb.
Sporaz.tv xəbər verir ki, “Fenerbahçe”nin 19,5 milyon avroya “Sevilla”dan heyətinə qatdığı Youssef En-Nesyri komandaya alışmağa başlayıb. 27 yaşlı futbolçu son 5 matçda 4 qol və 2 məhsuldar ötürmə ilə sarı-göylülərin heyətinə qatılıb.
En-Nesyrinin yüksələn performansı keçmiş klubunu məyus etdi.
“Estadio Deportivo”nun xəbərinə görə, “Sevilla” fasilədə Youssef En-Nesyrini heyətinə qatmaq üçün təklif verməyə hazırlaşırdı.
Mərakeşli hücumçunun “Fenerbahçe”də artan performansı “Sevilla”nı geri addım atmağa vadar edib.
Cari mövsüm La Ligada 13 oyundan 15 xal toplaya bilən “Sevilla” aşağı liqa zonasına yaxındır. “Sevilla” menecerləri transfer olacağı təqdirdə Youssef En-Nesyrinin vəziyyətini yaxından izləyəcək.
Bahar Rüstəm
