Bakı , 7 may , Sporaz.tv
“Qalatasaray“ın prezidenti Dursun Özbək prezidentliyə namizədliyini açıqlayan Süheyl Batumun “”Sarı-qırmızılı” klubun Florya layihəsinin hazırkı durumunda itkilərlə üzləşəcəyi” iddialarına cavab verib.
Sporaz.tv xəbər verir ki , Trendyol Super Liqanın 35-ci həftəsində “Sivasspor”u 6:1 hesabı ilə məğlub edərək çempionluq yolunda kritik döngəni dönüb. “Sarı-qırmızılı” klubun prezidenti Dursun Özbək matçdan sonra “Sabah” qəzetinin yazarı Levent Tüzemənə verdiyi açıqlamada 6 xalını çox bəyəndiyini vurğulayaraq bunları deyib:
“Biz üstün futbol ortaya qoyduq. Meydanda futbolçular həm oyun zamanı, həm də oyundan sonra özlərini bir ailə kimi apardılar. Azarkeşlər, idarə heyəti, texniki heyət və futbolçular bir-birinə bağlıdır. Çempionluğa doğru daha bir mühüm addım atdıq”.
Futbolçuların alacaqları ilə bağlı axsamaların olduğu iddialarına sərt yanaşan prezident Özbək, “Bu iddialar tamamilə əsassızdır” dedi və belə davam etdi:
“Bütün ödənişləri aprelin sonunda etdik. Və bu ödənişlər təkcə futbol komandası ilə məhdudlaşmır. Futboldan başqa voleybol, basketbol, su polosu, qılıncoynatma, üzgüçülük kimi həvəskar idman növləri ilə məşğul olan bütün oyunçularıma maaş verilib. Bizim borcumuz sıfırdır. Yenə deyirəm , bizim idmançılarımıza bir qəpik belə borcumuz yoxdur! Biz çempionluğa inanırıq. rəhbərliyimiz, futbolçularımız, texniki heyətimiz və azarkeşlərimiz və bu yolda uğurlarımızla gedirik”.
Florya layihəsi ilə bağlı iddialara cavab verən Özbək, Floryada etməyi planlaşdırdıqları və futbol komandasının Kemerburqaza köçməsi ilə davam edəcək layihənin klubun gələcəyini xilas edəcəyini bildirib və deyib:
“Florya layihəsi “Galatasaray”ın gələcəyidir. Ciddi gəlir əldə edəcəyimiz bir layihədir və ilk mərhələdə Banklar Birliyinə olan borcumuzu ödəyəcəyik. Florya layihəsindən gələn gəlirin bir hissəsini beləliklə, ayda 100 milyon TL ödəyəcəyik.
“Qalatasaray” prezidentliyə namizəd Süheyl Batum, son açıqlamasında, Florya layihəsinin boşa getməsinin qarşısını almaq üçün yola çıxdıqlarını iddia edərək, “Florya layihəsi ilə bağlı dedik ki, ‘xarici bir şirkətə verdik. Türkdən çıxacağıq. Banklar Birliyi ilə ilk mərhələdə 70 milyon dollarlıq müqavilə gələcək.’ Qalatasarayın gələcəyini düşünən insanlar kimi bu, çox yanlış və qəbuledilməzdir”.
Bahar Rüstəm
