Bakı, 30 sentyabr, Sporaz.tv
“Fenerbahçe“nin baş məşqçisi Jose Mourinhonun “Antalyaspor” matçında Dzekonun oyundankənar vəziyyətinə münasibəti dünya futbolunda böyük əks-səda yaratdı. Yayımçının kamerası qarşısına ekranında matçın təsviri olan kompüterini yerləşdirən Mourinho xarici mətbuatda geniş yer alıb.
Sporaz.tv xəbər verir ki, Superliqanın 7-ci həftəsində “Fenerbahçe” səfərdə “Antalyaspor”u 2:0 hesabı ilə məğlub edərkən, Jose Mourinhonun VAR etirazı matça damğasını vurub. Portuqaliyalı məşqçi ekranında matçın təsviri olan kompüterini yayımçının kamerası qarşısına qoyub. Matçdan sonra məsələ ilə bağlı açıqlama verən Mourinho, “Offside yox idi, ona görə də mövqeyi kamera qarşısına qoydum. Rəqibin sol cinahı offsideı qırırdı. Bizim baxımdan bu, təmiz qol idi” dedi. Mourinhonun bu addımı xarici mətbuatda da böyük əks-səda doğurub. Mourinhonun etirazının xarici mətbuata əksini təqdim edirik:
Dailymail-də dərc olunan xəbərdə Mourinhonun hərəkəti ilə bağlı deyilir: “Jose Mourinho hakim qərarlarına etiraz etmək üçün unikal üsul tapdı”.
Planet Football-da Jose Mourinhonun kompüterini yayımçının kamerası qarşısına qoyaraq sarı vərəqə ilə cəzalandırıldığı vurğulanıb. Məqalədə Mourinho haqqında “Futbolda sonuncu sarı vərəqə cəzasını icad edib” deyilirdi.
Daily Record-da çıxan xəbərdə Mourinhonun qəribə sarı vərəqə alması və portuqaliyalı çalışdırıcının hərəkətinin ətraflı izah edildiyi bildirilib.
AS-da yer alan xəbərdə təcrübəli çalışdırıcının etirazı “Daha bir Mourinho şousu” başlığı ilə oxucularla görüşüb.
Sport 45 isə Mourinhonun bu hərəkətinin böyük təsir bağışladığını bildirib və buna “Mourinhonun son şousu” adını verib.
Sky Sport, Mourinhonun reaksiyasını səhifəsinə “Jose Mourinhonun etirazı: Dzekonun ləğv edilən qolu üçün kamera qarşısında kompüter” başlığı ilə qeyd etdi.
La Gazzetta dello Sport-da çıxan xəbərlərdə Mourinho üçün “Dahi və dəlilik” ifadəsi işlədilib.
“Corriere dello Sport”da Mourinhonun yeni etiraz forması icad etdiyi və “Mourinhodan daha əvvəl görülməmiş bir etiraz” dediyi bildirilib.
Eurosport-da yer alan xəbərdə Mourinyonun özünəməxsus üslubu ilə futbol dünyasında səs-küy yaradacaq yeni bir gediş etdiyi bildirilmiş və “Mourinho şousu Türkiyədədir” başlığı istifadə edilmişdir.
A Bola, Mourinhonun kompüterini kameralar qarşısında göstərməsinə çox yer ayırdı. Xəbərdə bu ifadə yer alıb: “Mourinho qeyri-adi davranışı ilə yenidən diqqət mərkəzinə düşdü”.
Rekord bunu “Heyrətləndirici” qeyd etdi. Xəbərdə “Mourinho Edin Dzekonun ləğv etdiyi qoldan sonra öz üslubunu göstərdi” deyilirdi.
Bahar Rüstəm
