Bakı, 26 oktyabr, Sporaz.tv
Trendyol Superliqasının 10-cu həftəsində RAMS Parkda 28 oktyabr bazar ertəsi günü “Galatasaray”la “Beşiktaş” arasında keçiriləcək derbidə bütün gözlər hər iki komandanın hücumçularında olacaq.
Sporaz.tv məlumat verir ki, Okan Burukun rəhbərliyi altında Super Liqada son 2 mövsümü çempion kimi başa vuran “Galatasaray” bu mövsümün ilk 9 matçında 25 xalla liderliyə yüksəlib. “Beşiktaş” liqada keçirdiyi 8 matçda 20 xalla ikinci pillədə qərarlaşıb.
Superliqanın ən çox qol vuran komandası “Galatasaray” 27 dəfə fərqlənib. “Beşiktaş” isə bu zolaqda 17 dəfə topu tora göndərib.
“Galatasaray” Beşiktaş derbisində dünyaca məşhur ulduz futbolçuları Mauro İcardi və Victor Osimhenlə qol vurmağa çalışacaq.
Üçüncü mövsümünü “Galatasaray”da keçirən argentinalı futbolçu Mauro İcardi bu mövsüm 6 dəfə Superliqada, 4-ü isə Avropa Liqasında fərqlənib.
Bu mövsüm “Napoli”dən icarə əsasında heyətə daxil olan Victor Osimhen, hamısı Super Liqada olmaqla 3 dəfə topu tora göndərib.
“Galatasaray”dan Barış Alper Yılmaz, Yunus Akgün, Michy Batshuayi və Dries Mertens də bu mövsüm hücumda təsirli oyun nümayiş etdirib. Rəsmi görüşlərdə Barış Alper Yılmaz və Yunus Akgün hərəyə beş, Michy Batshuayi və Dris Mertens isə dörd qol vurub.
“Galatasaray”ın futbolçusu Mauro İcardi “Beşiktaş”la 5 matçda 5 dəfə fərqlənib.
Argentinalı futbolçu “Beşiktaş”la oynanan 4-ü Super Liqa, 1-i Superkubok olmaqla 5 matçdda çıxış edib.
“Ağ-qaralar”ın qapısına ilk 3 matçda 5 qol vuran İkardi sonrakı 2 matçda səssiz qalıb.
“Qara-ağlar”ın bu mövsüm heyətinə qatdığı italyan futbolçu Ciro İmmobile derbidə komandanın ən vacib qol ümidi olacaq.
İmmobile bu mövsüm “Beşiktaş” forması ilə rəsmi matçlarda 12 dəfə fərqlənib.
İtaliyalı futbolçu Superliqada 8 qarşılaşmada 8 dəfə topu tora göndərib və bombardirlik yarışının zirvəsində olub.
Mövsümün əvvəlində “Galatasaray”la Superkubok matçında 2 qol vuran İmmobile UEFA Avropa Liqasının pley-off mərhələsində “Lugano” ilə matçda da iki dəfə topa imza atıb.
Gedson Fernandes rəsmi matçlarda 7 qolla, Rafa Silva isə 5 qolla qara-ağlı komandanın digər görkəmli adı olub.
