Bakı, 14 oktyabr, Sporaz.tv
“Fenerbahçe“(Fənərbağça)-nin türkiyəli futbolçusu Cengiz Ünder, Mourinhodan sonra gözdən düşüb. Aralıq transfer dövründə Cengiz Ünder üçün sürpriz təkliflər ola bilər.
Sporaz.tv məlumat verir ki, “Fenerbahçe”-nin ötən mövsümün əvvəlində “Marsilya”-dan 15 milyon avroya transfer etdiyi Cengiz Ünder gözləniləndən aşağı olub.
Jose Mourinhonun üstünlük vermədiyi Cengiz Ünder bu mövsüm bütün yarışlarda cəmi 99 dəqiqə oynaya bilib. Mourinhonun rəğbətini qazanmaq əzmində olan Cengiz Ünder, milli fasilədə xüsusi çalışmalar edib.
Türkiyəli futbolçu qarşıdakı dövrdə portuqaliyalı baş məşqçinin ona daha çox şans verəcəyini gözləyir.
Xəbərdə Cengiz Ünderin gözlədiyi vaxtı tapa bilməsə, ara transfer dövründə “Fenerbahçe”-dən ayrıla biləcəyi vurğulanıb.
Ötən mövsüm ümumilikdə 33 matçda meydana çıxan Cengiz Ünder 9 qol vurub, 3 məhsuldar ötürmə edib.
