Bakı, 31 iyul, Sporaz.tv
İlk dəfə olaraq UEFA Çempionlar Liqasında püşkatma kompüterdən istifadə edilərək atılacaq. Yeni formatda oynanılacaq Nəhənglər Liqasında komandaların sıralaması köhnə sistemlə, matçlar isə avtomatik proqram təminatı ilə müəyyənləşəcək.
Sporaz.tv xəbər verir ki, yeni format 2024/25 mövsümü ilə Çempionlar Liqasında tətbiq olunmağa başlayacaq. Nəhənglər Liqasında komandaların sayı 32-dən 36-ya yüksələcək və əvvəlki illərlə müqayisədə matçların sayı artacaq. Çempionlar Liqasının II təsnifat mərhələsinin oyunları başa çatdığından, püşkatmada dəyişikliklər olacaq.
Püşkatmada qalib gələn komandanın təyinatı kompüter dəstəyi ilə müəyyənləşəcək və Çempionlar Liqasında oyun cədvəli müəyyənləşəcək. İstifadə olunacaq proqram təminatı komandaların ev və səfər matçlarını da müəyyən edəcək.
Çempionlar Liqasında mübarizə aparacaq klubların təyinatları püşkatmada müəyyənləşsə də, oyunların tarixləri avqustun 31-də açıqlanacaq. Avropa Liqası və Konfrans Liqasındakı komandalarla matçların eyni şəhərdə keçirilməsinin qarşısını almaq üçün təyinatlar daha sonra müəyyən ediləcək.
Avropa futbolunun klub səviyyəsində ən yüksək təşkilatı olan Çempionlar Liqası 2024/25 mövsümü ilə yeni sistemə keçəcək.
Əvvəllər 32 olan komandaların sayı 36-ya çatdırılsa da, qrup formatı əvəzinə liqa formatına tətbiq olunacaq. Komandalar 4-ü ev, 4-ü səfər olmaqla, 8 oyun keçirəcək. Bu matçlardan sonra ilk 8-likdə yer alan komandalar son 16 tura yüksələcək. 9-24-cü yerləri tutan klublar son 16 turun pley-off mərhələsində çıxış edəcəklər. Pley-off oyunlarından sonra son 16-da qalan komandalar müəyyənləşəcək.
UEFA-nın təşkilatçılığı ilə Çempionlar Liqası, Avropa Liqası və Konfrans Liqasının püşkatma mərasimi avqustun 29-30-da keçiriləcək.
Bahar Rüstəm
