Bakı, 16 noyabr, Sporaz.tv
Dünya boksunun canlı əfsanəsi Mike Tyson tanınmış bloqer Ceyk Pola məğlub olub.
Sporaz.tv xəbər verir ki, Texas ştatının Arlinqton şəhərindəki AT&T arenasında təşkil olunan döyüşdə hakimlərin qərarı ilə Ceyk Pol qələbə qazanıb.
Qarşılaşma 8 raunddan ibarət olub.
Qeyd edək ki, 58 yaşlı Tyson peşəkar karyerası ərzində 56 döyüş keçirib, bunların 50-də qələbə qazanıb, 6 qarşılaşmada isə məğlub olub. Boksçu peşəkar karyerasını 2005-ci ildə başa vurub. Ceyk Pol isə indiyədək peşəkar səviyyədə 11 döyüş keçirib, bunların 10-da qələbə qazanıb, 1-də isə məğlub olub.
