Bakı, 24 avqust, Sporaz.tv
Bu gün futbol üzrə Azərbaycan Premyer Liqasında IV turun növbəti oyunları keçiriləcək.
AZƏRTAC xəbər verir ki, ilk görüşdə “Qarabağ” doğma meydanda “Turan Tovuz”u qəbul edəcək. “Azersun Arena”da baş tutacaq matç 18:15-da start götürəcək.
Günün ikinci qarşılaşmasında “Neftçi” “Araz-Naxçıvan”ın qonağı olacaq. Saat 20:30-da başlayacaq oyun “Live Bona Dea Arena”da təşkil olunacaq.
Qeyd edək ki, turun açılış matçında “Səbail” “Kəpəz”ə 4:0 hesabı ilə qalib gəlib.