Bakı, 3 noyabr, Sporaz.tv
Misli Premyer Liqasının XII turuna bu gün keçiriləcək iki qarşılaşma ilə yekun vurulacaq.
Sporaz.tv xəbər verir ki, əvvəlcə “Kəpəz” Tovuz şəhər stadionunda “Səbail”lə üz-üzə gələcək.
Kamal Umudlunun idarə edəcəyi görüş saat 16:00-da başlayacaq. Hazırda “Səbail” 7 xalla doqquzuncudur. Sonuncu – 10-cu pillədə olan “Kəpəz” isə 3 xala malikdir.
Günün son qarşılaşması Sumqayıtdakı Mehdi Hüseynzadə adına stadionda gerçəkləşəcək. “Sumqayıt” evdə “Sabah”la qarşılaşacaq. Rəvan Həmzəzadənin idarə edəcəyi görüşə saat 19:00-da start veriləcək. Hazırda “Sabah” 17 xalla beşinci pillədə yer alıb. “Sumqayıt” isə 10 xalla 7-cidir.
