Bakı, 17 avqust, Sporaz.tv
Bu gün futbol üzrə Azərbaycan Premyer Liqasında III tura start veriləcək.
Sporaz.tv AZƏRTAC-a istinadən xəbər verir ki, ilk oyun günündə iki qarşılaşma keçiriləcək.
Turun açılış matçında “Kəpəz” “Turan Tovuz”la üz-üzə gələcək. Tovuz şəhər stadionunda baş tutacaq oyun saat 18:15-də start götürəcək. Görüşü Cavid Cəlilov idarə edəcək.
Günün son oyununda isə “Sumqayıt” Mehdi Hüseynzadə adına Sumqayıt şəhər stadionunda “Səbail”i qəbul edəcək. 20:30-da başlayacaq qarşılaşmanın baş hakimi Rəvan Həmzəzadə olacaq.
Qeyd edək ki, III tura avqustun 18-də oynanılacaq “Neftçi” – “Sabah” görüşü ilə yekun vurulacaq.