Bakı, 2 noyabr, Sporaz.tv
2024-cü il Braziliya Qran Prisinin sprint seçmə sessiyasında birinci yerə çıxan ad “McLaren” pilotu Oscar Piastri idi.
Sporaz.tv xəbər verir ki, Oscar Piastri ilk məşqdən sonra keçirilən Braziliya QP-nin sprint seçmə sessiyasında lider olub. Lando Norris ikinci, üçüncü yeri isə Charles Leclerc tutub.
Braziliya QP sprint yarışı şənbə günü Azərbaycan Saatı ilə saat 18:00-da baş tutacaq.
Həftə sonu Sao Pauloda keçirilən sprint seçmə mərhələləri buludlu, lakin yağıntısız başlayıb.
Yaşıl işıq yandıqda 12 dəqiqəlik ilk epizod başlayıb və trasa ilk çıxanlar “Ferrari” pilotları olub.
İlk dövrələrdən sonra zirvəyə çıxan ad Oscar Piastri oldu, “Mercedes” komandasının sürücüsü George Russel isə komandanın radiosunda əyləcdə çətinlik çəkdiyini bildirdi.
İlk epizodda ən sürətli dövrəni edən “1:09,477” ilə Lando Norris olub.
Seçilmiş adlar müvafiq olaraq Fernando Alonso, Esteban Ocon, Yuki Tsunoda, Lance Stroll və Guanyu Zhou idi.
Məhəmməd Qasımov
