Bakı, 23 oktyabr, Sporaz.tv
“Real Madrid“, Thibaout Courtouisin UEFA Çempionlar Liqasında “Dortmund Borussia” ilə matçda zədələndiyini açıqlanıb. Courtouis eyni matçda zədələnən Rodrygo ilə birlikdə “Barcelona” matçında meydana çıxa bilməyəcək.
Sporaz.tv məlumat verir ki, bu həftə sonu İspaniya La Liqasında “El Clasico“-da “Real Madrid” və “Barcelona” üz-üzə gələcək.
Bu matçdan əvvəl “Real Madrid” iki futbolçusundan bəd xəbər alıb.
Klubdan verilən açıqlamada Thibaout Courtouisın sol ayağından zədələndiyi bildirilib. Təcrübəli qolkiperin “Barcelona” matçından başqa Çempionlar Liqasında “Valencia” və “Milan” matçlarında oynaması gözlənilmir.
Rodrygo ilə bağlı hələ rəsmi açıqlama verilməsə də, ispan mətbuatında çıxan xəbərlərdə braziliyalı futbolçunun zədə səbəbindən derbini buraxacağı bildirilib.
“Real Madrid”-də Thibaout Courtouis və Rodrygo, həmçinin Dani Carvajal və David Alaba zədəlidir.
Çarpaz bağları zədələnən Carvajal mövsümü bağlayarkən, Alabanın isə geri qayıtması üçün müalicəsi davam edir. Digər zədəli futbolçu Brahim Diazın vəziyyəti qeyri-müəyyən olaraq qalır.
“Real Madrid” və “Barcelona”, şənbə günü, oktyabrın 26-da Santiago Bernabeuda üz-üzə gələcək. Görüş Bakı vaxtı ilə saat 23:00-da başlayacaq.
