Bakı, 13 oktyabr, Sporaz.tv
Boks aləminin səbirsizliklə gözlədiyi görüşdə Dmitry Bivol və Artur Beterbiev Səudiyyə Ərəbistanında üz-üzə gəlib.
Sporaz.tv xəbər verir ki, böyük həyəcana şahidlik edən döyüşdə nokaut olmayıb. 12 raundun yekununda matç hakimin qərarına gedib.
Hakimlərin səs çoxluğunun qərarından sonra Artur Beterbiev Dmitry Bivolu məğlub edərək, yüngül ağır çəki dərəcəsində mübahisəsiz çempion olub.
39 yaşlı Artur Beterbiev, Roy Jones Jr-dan düz 25 il sonra yüngül ağır çəkidə çempion olan ilk boksçu olub.
Mübahisəsiz çempion nədir?: Bir çəki dərəcəsinin mübahisəsiz çempionu, Beynəlxalq Boks Şöhrət Zalı tərəfindən tanınan bütün əsas təşkilatların (WBA, WBC, WBO, IBF) dünya çempionatlarını eyni vaxtda əlində tutan boksçudur.
