Bakı, 14 noyabr, Sporaz.tv
Superliqanın zirvəsi ilə xal fərqi böyüyən “Beşiktaş“, ara transfer dövründə heyətini gücləndirməyi planlaşdırır. Qara-ağlar, komandaya yeni futbolçu qatmazdan əvvəl yollarını ayıracaqları 2 adı müəyyən edib.
Sporaz.tv məlumat verir ki, Superliqada son 3 matçda 2 məğlubiyyət alan “Beşiktaş”, ara transfer dövründə hücum xəttini gücləndirməyi planlaşdırır.
Artıq transfer axtarışlarına başlayan ağ-qara komanda arasında iki ayrılığın olacağı dəqiqdir.
Heyətini yeni transferlərlə gücləndirməyi planlaşdıran “Beşiktaş”, Chamberlain və Onana ilə yollarını ayıracaq.
Chamberlain, “Beşiktaş” karyerasında 30 oyun keçirib. İngilis futbolçu bu matçlarda 4 qol vurub, 1 məhsuldar ötürmə edib.
Onana “Beşiktaş”-ın heyətində ümumilikdə 16 matçda forma geyinib. Kamerunlu futbolçu bu matçlarda 1 məhsuldar ötürmə edib.
