Bakı, 12 avqust, Sporaz.tv
“Beşiktaş” 25 yaşlı ispan müdafiəçi Francisco Montero ilə yollarını ayırdığını açıqlayıb.
Sporaz.tv xəbər verir ki, Monteronun Beşiktaşdakı müqaviləsinə qarşılıqlı razılaşma əsasında xitam verilib.
Ağ-qara klubunun açıqlaması belədi:
“Peşəkar futbolçumuz Francisco Montero ilə müqaviləmizə qarşılıqlı razılaşma əsasında xitam verdik. Francisco Monteroya gələcək karyerasında uğurlar arzulayırıq və bunu ictimaiyyətə təqdim edirik”.
2020-ci ildə “Atletico Madrid”dən icarəyə götürülən və növbəti mövsüm transfer xidməti alan Montero “Beşiktaş”da 46 matçda forma geyinib və ağ-qaralar üçün 2 qol və 2 məhsuldar ötürmə ilə yadda qalıb.
25 yaşlı müdafiəçi 2022-2023 mövsümünün ikinci yarısında “Hamburg”a, 2023-2024 mövsümündə isə “Arouca”ya icarəyə göndərilib.
Bahar Rüstəm
