Bakı, 26 oktyabr, Sporaz.tv
Yay transfer dövründə Kerem Aktürkoğlunu heyətinə qatan “Benfica“-nın daha bir türk futbolçunun arxasınca getdiyi iddia edilib. Kerem Aktürkoğlunun “Benfica”-ya müsbət istinad edərək sözügedən transferə zəmanət verdiyi bildirilib.
Sporaz.tv məlumat verir ki, heyətində Kerem Aktürkoğlu və Orkun Kökçü kimi türk futbolçuların yer aldığı “Benfica”-nın daha bir türk futbolçunu siyahıya əlavə etdiyi qeyd edilib.
“Benfica”-nın yeni hədəfi Yunus Akgündür. Portuqaliya komandasının Kerem Aktürkoğlundan müsbət rəy aldıqdan sonra transfer üçün hərəkətə keçdiyi xəbərlərdə ətraflı şəkildə işıqlandırılıb.
Bu mövsüm “Galatasaray“(Qalatasaray)-dakı çıxışı ilə diqqət çəkən Yunus Akgünü İtaliya və İspaniya komandalarının yaxından izlədiyi bildirilib.
Digər tərəfdən, “Galatasaray”, Yunus Akgünlə yeni uzunmüddətli müqavilə imzalamağı və futbolçunun maaşında ciddi yaxşılaşma etməyi planlaşdırır.
Sarı-qırmızılı rəhbərliyin, Yunus Akgünün müqaviləsinə sərbəstlik maddəsini daxil etməyəcəyi vurğulanıb.
Bu mövsüm bütün yarışlarda 13 matça çıxan Yunus Akgün 5 qol vurub, 1 məhsuldar ötürmə edib.
