Bakı, 29 oktyabr, Sporaz.tv
Bu gün Azərbaycan Kubokunda II təsnifat mərhələsinin daha 4 matçı baş tutacaq.
Sporaz.tv xəbər verir ki, Misli Premyer Liqasında mübarizə aparan üç komanda – “Araz-Naxçıvan”, “Kəpəz” və “Səbail” mübarizəyə start verəcəklər.
Günün ilk matçı Sumqayıtda reallaşacaq. “Kapital Bank Arena”nın ehtiyat meydançasında MOİK “Şimal”ı qəbul edəcək. Görüş saat 14:00-da başlayacaq.
“Araz-Naxçıvan” “Liv Bona Dea Arena”da “Şahdağ Qusar”la, “Kəpəz” Tovuz şəhər stadionunda “Ağdaş”la qaqşılaşacaq. Hər iki matç saat 16:00-da baş tutacaq.
Saat 18:00-da isə “Dinamo” (Bakı) klubu “ASCO Arena”da “Səbail”i qəbul edəcək.
Bu raundun digər qarşılaşmaları oktyabrın 30-31-də keçiriləcək.
Qeyd edək ki, II təsnifat mərhələsinin ilk matçında “Turan Tovuz” “Hypers Guba”nı 7:2 hesabı ilə məğlub edərək, 1/8 finalda “Sabah”a rəqib olub.
