Bakı, 30 sentyabr, Sporaz.tv
Misli Premyer Liqasının VIII turunda “Qarabağ” evində “Sabah“ı qəbul edib.
Sporaz.tv xəbər verir ki, matç ev sahiblərinin 3:2 hesablı qalibiyyəti ilə başa çatıb.Bol qollu keçən qarşılaşmadan sonra Masazır təmsilçisinin üzvü Emil Balayevin, sporaz.tv-ə açıqlaması belə oldu:
-Oyun haqqında düşüncələriniz:
-Gərgin keçən oyun oldu. Hər iki tərəf mübarizə apardı. Düzdür başlanğıcda qapımızda erkən top gördük. Bizim üçün toparlanmaq biraz çətin oldu. Amma deyərdim ki, özümüzdə güc toplayıb, 2 qol vurduq. Daha çox da vura bilərdik. Düşünürəm ki, azarkeşlər üçün maraqlı oyun oldu.
-Növbəti oyun liqanın liderinə qarşı olacaq. Bu sizdə psixoloji təziq yaradırmı?
-Xeyr, biz hər oyundan oyuna hazırlaşdığımız üçün təzyiq olmayacaq. Növbəti oyuna, bugünki oyundakı səhvlərimizi analiz edib, onları düzəldərək hazırlaşacayıq.
Bahar Rüstəm
