Bakı, 14 noyabr, Sporaz.tv
Qadın futbolçulardan ibarət Azərbaycan milli komandasının UEFA Millətlər Liqasının 2025-ci il mövsümündə keçirəcəyi oyunların təqvimi bəlli olub.
Sporaz.tv Azərtac’a istinadən xəbər verir ki, C liqasının 4-cü qrupunda yer alan yığma 2025-ci ilin fevral, aprel və may aylarında Litva və Monteneqro komandaları ilə ümumilikdə 4 görüş keçirəcək.
Siyasət Əsgərovun başçılıq etdiyi kollektiv fevralın 21-də Monteneqro ilə doğma meydanda ilk matçına çıxacaq. Aprelin 4-də səfərdə Litvanın qonağı olacaq komanda 4 gün sonra Monteneqroya yollanacaq. Milli komanda mayın 30-da isə doğma meydanda Litva ilə üz-üzə gələcək.
