Bakı, 16 oktyabr, Sporaz.tv
Azəraycan kubokunun 2024/2025 mövsümünün finalı Bakıda keçirilməyəcək.
Sporaz.tv xəbər verir ki, Peşəkar Futbol Liqası (PFL) kubok finalını keçirmək üçün iki fərqli şəhərdəki stadionu nəzərdən keçirir.
Sözügedən stadionlardan biri Mehdi Hüseynzadə adına Sumqayıt şəhər stadionu, digəri isə Qəbələ şəhər stadionudu. PFL rəhbərliyi həlledici qarşılaşmanı məhz bu iki şəhərdən birində keçirilməsinə çalışır.
Qeyd edək ki, Azərbaycan kubokunun finalı 2025-ci ilin 1 iyununda baş tutacaq.
