Bakı, 4 oktyabr, Sporaz.tv
“Galatasaray“(Qalatasaray) üçün ara transfer dövründən əvvəl planlamalar başlayıb. Sarı-qırmızılılar, Hakim Ziyechlə yollarını ayırmağı düşünür.
Sporaz.tv məlumat verir ki, “Galatasaray”-da ara transfer dövründən əvvəlki işlərə start verilib. Komandaya gələnlərlə yanaşı, gedənlərin də olacağı gözlənilir.
“Galatasaray”-dan ayrılma ehtimalı ən çox olan futbolçu Hakim Ziyechdir… Mərakeşli futbolçunun fasilədə yollarını ayıracağı gözlənilir.
Ziyech, ötən mövsümün əvvəlində almaq opsionu ilə icarəyə verilmişdi. Bu yay pulsuz transfer alan təcrübəli futbolçu gözlənilən töhfəni verə bilməyib. Bu mövsüm “Galatasaray”-ın heyətində 5 matçda forma geyinən Ziyech, nə qol vura bilib, nə də məhsuldar ötürmə edə bilib.
Mərakeşli futbolçu, ildə təxminən 3 milyon avro qazanır. Rəhbərlik, bu maaş yükündən qurtulmaq üçün futbolçunun gedişini çox istəyir. Ziyechin komandadan ayrılmasında çətinlik çəkməyəcəyi öyrənilib.
