Bakı, 21 oktyabr, Sporaz.tv
Niderland millisinin və “Ajax” (Ayaks) klubunun futbolçusu Steven Berghuis (Stiven Berqeys) UEFA Avropa Liqasının əsas mərhələsində Bakıda “Qarabağ“a qarşı keçiriləcək III tur matçını buraxacaq.
Sporaz.tv xəbər verir ki, 33 yaşlı hücumameyilli yarımmüdafiəçi zədə səbəbindən Ağdam təmsilçisi ilə görüşdə iştirak edə bilməyəcək. Onun oktyabrın 27-də Niderland çempionatında “Villem II” klubu ilə ev qarşılaşmasında meydana çıxacağı ehtimal olunur.
Qeyd edək ki, oktyabrın 24-də Tofiq Bəhramov adına Respublika Stadionunda baş tutacaq “Qarabağ” – “Ajax” (Ayaks) oyunu saat 20:45-də başlayacaq.
