Bakı, 24 aprel, Sporaz.tv
Sporaz.tv xəbər verir ki, Portuqaliyada “Sportinq”in başında ikinci çempionluğunu qeyd etmək üçün günləri sayan Ruben Amorim Avropanın nəhəng klublarının arxasınca qaçır. Gənc məşqçinin yeni ünvanının Liverpool və ya West Ham United olacağı gözlənilir.
Avropanın nəhəng klubları Ruben Amorim üçün bir-biri ilə yarışır.
Portuqaliyalı çalışdırıcı “Sportinq”dəki çıxışı ilə idarəçi axtaran komandaların sevimlisinə çevrilib.
39 yaşlı çalışdırıcının adı daha çox “Liverpul”la hallanır.
Premyer Liqa təmsilçisi Yurgen Kloopun mövsümün sonunda istefa verəcəyini bildirməsindən sonra komandanı etibar etmək istədikləri Ruben Amorimlə uzun müddətdir danışıqlar aparsa da, hələlik razılığa gələ bilməyiblər.
Portuqaliyanın “A Bola” qəzeti gənc məşqçi ilə maraqlanan komandaların sırasına “Vest Hem Yunayted”in də qatıldığını yazıb. Bildirilib ki, London komandası David Moyesi əvəzləməyi düşündüyü gənc məşqçiyə Liverpulun təklifindən daha yüksək maaş təklif edib.
Bir neçə ay əvvəl Amorimlə maraqlanan klublar arasında “Barselona” və “Bayer Leverkuzen” də var idi.
2017-ci ildə futbolçu karyerasını başa vuran Amorimin təxminən 4 illik məşqçilik tarixi var.
Uğurlu məşqçi 2019-cu ildə 13 matçlıq Braqa macərasından sonra böyük uğur qazandığı Sporting-i təhvil aldı.
Gənc çalışdırıcı 4 il çalışdığı yaşıl-ağ klubda 1 Portuqaliya çempionluğu, 2 Liqa Kuboku və 1 Super Kubok olmaqla 4 kubok qazanıb.
“Sportinq” bu mövsüm liqanın sonuna ən yaxın izləyicisi “Braqa”nı 7 xal qabaqlamaqla liderdir.
Ruben Amorimin klubu ilə 30 iyun 2026-cı ilə qədər müqaviləsi var.
Vüqar Alışov
