Bakı, 29 aprel, Sporaz.tv
Avropanın 5 ən böyük futbol ölkəsi Almaniya (Bundesliqa), Fransa (Liqa 1), İngiltərə (Premyer Liqa), İspaniya (LaLiga) və İtaliyada (Seriya A) matçlar həftəsonu davam edib. Bu liqalarda çıxış edən 4 millimiz qol vurmaqdan həzz alıb.
Sporaz.tv xəbər verir ki, Türk futbolçuların vurduğu qollarla yadda qalan bir həftədən sonra İspaniyada Real Madrid, İngiltərədə Arsenal, Almaniyada Bayer Leverkuzen, İtaliyada İnter və Fransada Paris Saint-Germain (PSJ) xallar cədvəlinin başında olub.
Liqa 1-in lideri PSJ, “Monako”nun “Olimpik Lyon”a 3:2 hesabı ilə uduzmasından sonra 3 həftə qalmış çempionluğunu elan edib.
Arda Gülər qol vurdu, Real Madrid çətin səfər oyununda qalib gəldi
La Liqada çempionluq üçün günləri sayan Real Madrid çətin Sosyedad səfər matçında milli futbolçu Arda Gülərin qolu ilə qələbə qazanıb.
Real Madrid karyerasında ilk dəfə ilk 11-də yer alan milli futbolçu 29-cu dəqiqədə vurduğu qolla komandasına 1:0 hesablı qələbə qazandırıb.
Mövsümün sürpriz komandası “Jirona” səfərdə “Las Palmas”ı 2:0 hesabı ilə məğlub edərək 2-ci pilləyə yüksəlib, “Atletiko Madrid” isə evdə “Atletik Bilbaonu” 3:1 hesabı ilə məğlub edib.
La Liqada 33-cü həftənin oyunlarından sonra “Real Madrid” 84 xalla liderlik kürsüsündə qərarlaşıb. “Jirona” 71 xalla 2-ci, heç bir matçı olmayan “Barselona” isə 70 xalla üçüncü pillədə qərarlaşıb.
Vüqar Alışov
