Bakı,3 iyun,Sporaz.tv
“Fenerbahçe“(Fənərbağça)nın müqavilə bağladığı portuqaliyalı baş məşqçi “Jose Mourinho” (Joze Mourinyo) hər üç avrokubokda kubok qazanan yeganə məşqçi kimi seçilir.
Sporaz.tv məlumat verir ki,Sarı-göylər klubunun futbol A komandasını əmanət etdiyi Mourinhonu Avropada “xüsusi adam” kimi qələmə verirlər.
Qısamüddətli futbolçu karyerasından sonra 24 yaşında məşqçi olan Mourinho ilk təcrübəsini Setubalın 17 yaşadək futbolçulardan ibarət komandasında yaşayıb.
Jose Mourinho 1996-2000-ci illərdə Barcelonada tərcüməçi və köməkçi məşqçi kimi çalışarkən, 1996-1997 mövsümündə İspaniya komandası ilə UEFA Kubok Qalibləri Kubokunu və UEFA Super Kubok çempionluğunu qazanıb.
O, Portudakı uğuru ilə Avropada iz qoyub
Mourinho 2001-2002 mövsümündə baş məşqçi kimi vəzifəyə gəldiyi “Porto“da qazandığı uğurları ilə seçilib.
2003-2004-cü il mövsümünün sonuna qədər Portuqaliya komandasına başçılıq edən Mourinho, “Porto” ilə ardıcıl 2 liqa çempionluğu, 1 Portuqaliya kuboku, 1 Portuqaliya Superkuboku, 2002-2003 mövsümündə isə UEFA Avropa Kubokunu və 2003-2004 mövsümündə UEFA Çempionlar Liqasının qalibi oldu. Porto prosesində “İlin məşqçisi” mükafatına layiq görülən Mourinyonun növbəti dayanacağı İngiltərə Premyer Liqa təmsilçisi “Chelsea“(Çelsi) olub.
