Bakı, 8 iyul, Sporaz.tv
2024-cü il futbol üzrə Avropa çempionatının yarımfinal oyunlarını idarə edəcək hakimlər açıqlanıb.
Sporaz.tv məlumat verir ki, Almaniyanın ev sahibliyi edəcəyi 2024-cü il futbol üzrə Avropa çempionatında sabah yarımfinal oyunlarına start veriləcək.
Yarımfinalın ilk oyununda İspaniya və Fransa milliləri üz-üzə gələcək. Finala yüksələcək ikinci komandanın müəyyənləşəcəyi qarşılaşmada Hollandiya və İngiltərə meydana çıxacaq.
UEFA turnirin yarımfinal oyunlarından əvvəl oyunları idarə edəcək hakimləri açıqlayıb.
UEFA-dan verilən məlumata görə, İspaniya-Fransa matçını Slavko Vinçiç, Hollandiya-İngiltərə matçını isə Feliks Zwayer idarə edəcək.
AVRO-2024-də yarımfinalın təqvimi belədir:
Çərşənbə axşamı, 9 iyul
23:00: İspaniya-Fransa
Çərşənbə, 10 iyul
23:00: Hollandiya–İngiltərə