Bakı,13 iyun, Sporaz.tv
Azarkeşlər Almaniyanın ev sahibliyi ilə sabah açılacaq 2024-cü il Avropa Futbol Çempionatı (AVRO 2024) öncəsi turnir həyəcanını yaşamağa başlayıb.
Sporaz.tv məlumat verir ki, Milli komandalar səviyyəsində Avropanın ən əhəmiyyətli futbol qurumu olan turnir sabah Münhen Futbol Arenasında keçiriləcək Almaniya-Şotlandiya matçı ilə başlayacaq.
İyulun 14-də Berlin Olimpiya Stadionunda keçiriləcək finala yüksəlmək üçün ümumilikdə 24 milli komandanın mübarizə aparacağı çempionata futbolsevərlər böyük maraq göstərir.
AVRO-2024-ə ev sahibliyi edən 10 şəhərdən biri olan Münhen sabah keçiriləcək Almaniya – Şotlandiya matçı öncəsi şotland azarkeşlərlə dolub.
Çoxlu şotlandiyalı futbol azarkeşləri Münhenin simvolik yerlərindən biri olan Marienplatz və ətrafına toplaşaraq, formaları və bayraqları ilə əyləniblər. Futbolsevərlər öz yerli alətləri olan çubuqların müşayiəti ilə himnlər oxuyub, alqışlayıb, “Kilt” adlı ətəklər və şotland kişilərin geyindiyi müxtəlif geyimlərlə rəngarəng görüntülər yaradıblar.
