Bakı, 18 noyabr, Sporaz.tv
“Atletico Madrid” deyəndə ilk ağla gələn adlardan biri olan Antoine Griezmann, klubu ilə vidalaşmağa hazırlaşır.
Sporaz.tv xəbər verir ki, Sentyabrın 30-da Fransa millisindəki karyerasını başa vurduğunu açıqlayan ulduz futbolçu, indi “Atletico Madrid”-dən ayrılmağa hazırlaşır.
33 yaşlı futbolçunun yanvarda ABŞ-ın “Los Angeles FC” komandasına gedəcəyi iddia edilir.
Milli komandadakı dostları Olivier Giroud və Llorisin də eyni komandada çıxış etməsinin Griezmannın qərarında həlledici amil olduğu iddia edilir.
Karyerasında “Real Sociedad”, “Atletico Madrid” və “Barcelona”nın uğurları üçün çox çalışan fransalı futbolçuya ümumilikdə 182 milyon avro transfer haqqı ödənilib.
Ulduz hücumçu bu mövsüm “Atletico Madrid”-in heyətində bütün turnirlərdə 18 matçda 4 qol vurub, 6 məhsuldar ötürmə edib.
Antoine Griezmannın La Liqa komandası ilə 30 iyun 2026-cı ilə qədər müqaviləsi var.
